Holand klub miqyosidagi faoliyatida 300-golini urdi

«Manchester Siti» hujumchisi Erling Holand klub miqyosidagi faoliyatida 300 ta gol urish marrasiga yetdi.

26 yoshli futbolchi yubiley golini Angliya chempionati 3-turidan o‘rin olgan «Koventri»ga qarshi bahsda qayd etdi. Holand birinchi bo‘limda Antuan Semenyoning uzatmasidan so‘ng bosh bilan zarba berib, jamoasini oldinga olib chiqdi — 1:0.

Holand «Manchester Siti» safida 165 ta gol urgan. Bungacha u Dortmundning «Borussiya»si uchun 86 ta, «Zalsburg» safida 29 ta va «Molde»da 20 ta gol qayd etgan.

Shu tariqa, norvegiyalik hujumchi klub miqyosida jami 300 ta gol urishga erishdi.