Ҳоланд клуб миқёсидаги фаолиятида 300-голини урди

«Манчестер Сити» ҳужумчиси Эрлинг Ҳоланд клуб миқёсидаги фаолиятида 300 та гол уриш маррасига етди.

26 ёшли футболчи юбилей голини Англия чемпионати 3-туридан ўрин олган «Ковентри»га қарши баҳсда қайд этди. Ҳоланд биринчи бўлимда Антуан Семенёнинг узатмасидан сўнг бош билан зарба бериб, жамоасини олдинга олиб чиқди — 1:0.

Ҳоланд «Манчестер Сити» сафида 165 та гол урган. Бунгача у Дортмунднинг «Боруссия»си учун 86 та, «Залцбург» сафида 29 та ва «Молде»да 20 та гол қайд этган.

Шу тариқа, норвегиялик ҳужумчи клуб миқёсида жами 300 та гол уришга эришди.