«Тоттенҳэм» бош мураббийи Роберто Де Зерби Англия Премер лигаси 3-турида «Ноттингҳэм Форест» билан 0:0 ҳисобидаги дурангдан сўнг фикр билдирди. Бу ҳақда Sky Sports унинг сўзларини келтирди.
«Натижадан ҳафсалам пир бўлди. Шу билан бирга, ўйинимиздан, айниқса, биргаликда ишлашни фақат ўтган пайшанба куни, илк баҳс олдидан бошлаганимизни ҳисобга олсак, жуда мамнунман. Биз яхши ўйнадик. Сўнгги узатма пайтида қарорларни яхшироқ қабул қилишимиз керак», — деди мутахассис.
«Мармуш зарба берган вазиятда Робертсон унинг ортида бутунлай бўш эди ва ҳужумга қўшилаётганди. Агар майдоннинг сўнгги учдан бир қисмида якуний қарорлар сифатини яхшиласак, жуда кўп гол уришимиз мумкин. Чунки таркибимизда юқори савияли футболчилар бор. Ҳозир бу натижага кўникиш биз учун қийин», — дея қўшимча қилди Де Зерби.
Маълумот учун, «Ноттингҳэм Форест» 2 очко билан 16-ўринда, «Тоттенҳэм» эса бир поғона пастда бормоқда.
