«Tottenhem» bosh murabbiyi Roberto De Zerbi Angliya Premyer ligasi 3-turida «Nottinghem Forest» bilan 0:0 hisobidagi durangdan so‘ng fikr bildirdi. Bu haqda Sky Sports uning so‘zlarini keltirdi.
«Natijadan hafsalam pir bo‘ldi. Shu bilan birga, o‘yinimizdan, ayniqsa, birgalikda ishlashni faqat o‘tgan payshanba kuni, ilk bahs oldidan boshlaganimizni hisobga olsak, juda mamnunman. Biz yaxshi o‘ynadik. So‘nggi uzatma paytida qarorlarni yaxshiroq qabul qilishimiz kerak», — dedi mutaxassis.
«Marmush zarba bergan vaziyatda Robertson uning ortida butunlay bo‘sh edi va hujumga qo‘shilayotgandi. Agar maydonning so‘nggi uchdan bir qismida yakuniy qarorlar sifatini yaxshilasak, juda ko‘p gol urishimiz mumkin. Chunki tarkibimizda yuqori saviyali futbolchilar bor. Hozir bu natijaga ko‘nikish biz uchun qiyin», — deya qo‘shimcha qildi De Zerbi.
Ma’lumot uchun, «Nottinghem Forest» 2 ochko bilan 16-o‘rinda, «Tottenhem» esa bir pog‘ona pastda bormoqda.
