«Тоттенҳэм»нинг собиқ яримҳимоячиси Ива Биссума «Челси»га таклиф қилинди. Бу ҳақда Тhe Sun хабар берди.
Манбага кўра, 30 ёшли малиялик футболчи «Челси» Энцо Фернандес сотилганидан кейин унинг ўрнига бошқа футболчини қўлга кирита олмагани сабабли муқобил вариант сифатида кўрилмоқда. Англияда трансфер ойнаси ёпилган, бироқ Биссума ёзда «Тоттенҳэм»ни тарк этиб, эркин агентга айланган. Шу сабабли «Челси» футболчи билан шартнома имзолаши мумкин.
Биссумага «Аякс» ва «Монако» клублари ҳам қизиқиш билдирмоқда. Бироқ футболчининг ўзи фаолиятини Англияда давом эттирмоқчи.
Биссума 2022 йилдан буён «Тоттенҳэм» сафида ўйнаган. У жамоа таркибида жами 111 та баҳсда майдонга тушиб, 2 та гол урган.
