UFCдаги ўзбекистонлик жангчи Нурсултон Рўзибоев Майкл Пейжга қарши тўқнашувдан олдин ўз фикрларини билдириб ўтди.
«Тўғри, охирги жангимдан кейин ўзим шу рейтингда топ-15 дан жангчи сўраган эдим. UFC дарҳол Майкл Пейж билан жангни ташкил қилди.
Бундан хурсандман. Насиб қилса, яхши жанг кўрсатишга ҳаракат қиламан. Пейжни олдин «Bellator»да урушганидан бери жангларини кўраман.
У жойида турмайди, ноқулай «стойка»си бор. Адашмасам, бир йил олдин Ўзбекистонда Майкл билан жанг ўтказиш эҳтимоли ҳақида сўраганди. Ўзим ҳам қизиқиш билдиргандим.
Мана, орадан бир ярим йил вақт ўтиб, у билан жанг қиляпман. Худо хоҳласа, шунга яраша тайёрландим. Менимча, яхши жанг бўлади.
Худо хоҳласа, чиройли ғалаба билан сизларни хурсанд қилишга ҳаракат қиламан», — деди Рўзибоев.
