Франциянинг «ПСЖ» клуби бош мураббийи Луис Энрике Лига 1 3-турида «Монако»га қарши баҳсдаги натижа ҳақида фикр билдирди.
«Мен буни доим такрорлайман: мағлуб бўлган мураббий бу ерда, матбуот анжуманида бўлмаслиги керак. Бу мураббийлар учун энг оғир лаҳза, аммо мен куламан. Бу мураббий сифатидаги менинг масъулиятим. Агар баҳс ҳақида гапиришимни истасангиз, шуни айтаман: кўрганларим менга ёқди.
Бу мавсумнинг бошланиши, албатта, биз ҳали ўз даражамизда эмасмиз, аммо кўплаб ижобий жиҳатларни кўрдим. Мен учун биз ғалабага лойиқ бўлганимиз мутлақо аниқ. Кутилган голлар (хG) кўрсаткичи ҳам яққол бизнинг фойдамизда эди, аммо футбол шунақа ва бу унинг гўзаллиги!» — дея Энрикенинг ўйиндан кейинги флеш-интервюсидаги сўзларини ParisSG INFOS X ижтимоий тармоғидаги саҳифасида келтирди.
«ПСЖ» Лига 1 турнир жадвалида 3-турдан сўнг 2 очко билан 12-ўринда бормоқда.
