«Ҳалл Сити» клуби расмий сайти орқали жамоа бош мураббийи Сергей Якирович билан шартнома узайтирилганини эълон қилди.
Мутахассиснинг «йўлбарслар» билан янги меҳнат шартномаси 2028 йил ёзига қадар амал қилади. Битимда уни яна бир мавсумга узайтириш имконияти ҳам кўзда тутилган.
Маълумот ўрнида, Якирович жамоани 2025 йил ёзида қабул қилиб олган ва унинг қўл остида «Ҳалл Сити» ўтган мавсум якунларига кўра АПЛга йўл олган.
«Бу ерга келганимдан бери клуб ва мухлисларимизнинг қўллаб-қувватловини ҳис қилиб келяпман. Шунинг учун саёҳатимизни давом эттиришдан хурсандман.
«Ҳалл Сити» мен учун уйга айланди ва бу йўлни давом эттиришни интиқлик билан кутяпман. АПЛга чиқиш — амалга ошган орзу.
Ўз кучимизга ишонишимиз керак. Биз бир оиладек бирлашган ўзига хос жамоамиз. Мавсумнинг дастлабки ўйинларида ушбу даражада рақобатлаша олишимизни ва хавфли рақиб бўлишимизни кўрсатдик.
Албатта, қаттиқ меҳнат қилишда ва мухлисларимиз биз билан фахрланадиган тарзда ўйнашда давом этамиз», — дея Якировичнинг сўзларини келтиради клуб матбуот хизмати.
