Мадриднинг «Атлетико» клуби яримҳимоячиси Алекс Баэна «Манчестер Сити» ва Англия премер-лигасининг бошқа клублари эътиборига тушган. Бу ҳақда Caught Offside хабар берди.
Манбанинг маълумотларига кўра, 25 ёшли испанияликнинг хизматларига «Манчестер Сити», «Нюкасл» ва «Астон Вилла» клублари қизиқиб қолган. Бироқ «матрасчилар» Баэнани сотишни режалаштирмаяпти, шу сабабли январ ойида бу трансфер деярли имконсиздек кўринмоқда.
Бироқ айтилишича клублар ушбу вазиятга қарамай, омадини синаб кўрмоқчи. Шунингдек, музокаралар январ ойида бошланиб, трансфер кейинги йил ёзда амалга ошиши ҳам мумкин.
Маълумот учун, Ла Лига янги мавсумида Баэна 3 та ўйинда майдонга тушиб, 3 та гол урди ва 1 та голли узатма етказиб берди.
