«Liverpul» Chempionlar Ligasi umumiy bosqichining 2-turida safarda Avstriyaning LASK klubini 6:3 hisobida mag‘lub etdi. Statistik ma’lumotlarni taqdim etuvchi MisterChip sahifasi xabariga ko‘ra, ushbu bahs turnir tarixidagi noyob natijalardan biri bilan qayd etildi.
Chempionlar Ligasida avval ham faqat bir marta 6:3 hisobidagi natija kuzatilgan. Bu 1983-yilda Vengriyaning «Dyo'r» va Belarusning Minsk «Dinamo» klublari o‘rtasidagi bahsda qayd etilgan.
Bundan tashqari, mazkur bellashuv turnir tarixida bir jamoa futbolchisi het-trik qayd etgan, raqib jamoaning esa boshqa bir futbolchisi uchta golli uzatmani amalga oshirgan ilk o‘yin sifatida ham e’tirof etildi.
Ma’lumot uchun, ikki turdan so‘ng «Liverpul» olti ochko bilan Chempionlar Ligasi umumiy bosqichi turnir jadvalida beshinchi o‘rinni egallab turibdi. LASK esa ochko jamg‘ara olmagan holda 33-pog‘onada bormoqda.
Eslatib o‘tamiz, «Liverpul» LASKga qarshi safar bahsida raqib darvozasiga olti bor yo‘l topib, uchta gol o‘tkazib yubordi.
