«Ливерпул» Чемпионлар Лигаси умумий босқичининг 2-турида сафарда Австриянинг ЛАСК клубини 6:3 ҳисобида мағлуб этди. Статистик маълумотларни тақдим этувчи МisterChip саҳифаси хабарига кўра, ушбу баҳс турнир тарихидаги ноёб натижалардан бири билан қайд этилди.
Чемпионлар Лигасида аввал ҳам фақат бир марта 6:3 ҳисобидаги натижа кузатилган. Бу 1983 йилда Венгриянинг «Дйўр» ва Беларуснинг Минск «Динамо» клублари ўртасидаги баҳсда қайд этилган.
Бундан ташқари, мазкур беллашув турнир тарихида бир жамоа футболчиси ҳет-трик қайд этган, рақиб жамоанинг эса бошқа бир футболчиси учта голли узатмани амалга оширган илк ўйин сифатида ҳам эътироф этилди.
Маълумот учун, икки турдан сўнг «Ливерпул» олти очко билан Чемпионлар Лигаси умумий босқичи турнир жадвалида бешинчи ўринни эгаллаб турибди. ЛАСК эса очко жамғара олмаган ҳолда 33-поғонада бормоқда.
Эслатиб ўтамиз, «Ливерпул» ЛАСКга қарши сафар баҳсида рақиб дарвозасига олти бор йўл топиб, учта гол ўтказиб юборди.
