Ispaniya bir mundialning 6 ta o‘yinida to‘p o‘tkazmay, rekord o‘rnatdi

Ispaniya milliy jamoasi JCh-2026 doirasida o‘tkazgan 7 o‘yinining 6 tasida o‘z darvozasi daxlsizligini saqlab qoldi.

Turnir yarimfinalida Luis de la Fuente boshchiligidagi jamoa Fransiyani 2:0 hisobida mag‘lub etdi.

Ispaniya Jahon chempionatlari tarixida bir turnir davomida 6 ta o‘yinda to‘p o‘tkazmagan ilk jamoaga aylandi. Unai Simon darvozasiga yagona gol chorakfinaldan o‘rin olgan Belgiya (2:1) qarshi bahsda Sharl de Ketelare tomonidan urildi.

Bunga qadar 2006 yilgi Italiya, 2002 yilgi Germaniya, 1974 yilgi Niderlandiya, 1966 yilgi Angliya, 1938 yilgi Vengriya va 1930 yilgi Urugvay jamoalari finalgacha atigi bittadan gol o‘tkazishgandi. Biroq bu jamoalar Ispaniyaga nisbatan kamroq o‘yinda maydonga tushishgan: eng ko‘pi bilan 6 ta. Vengriya va Urugvay esa har biri 3 tadan bahsda ishtirok etgan.