Fernandesh 21-assistini amalga oshirib, APL rekordini yangiladi

Brunu Fernandesh Angliya Premyer-ligasi rekordchisiga aylandi.

«Manchester Yunayted» yarimhimoyachisi chempionatning so'nggi turidan o'rin olgan «Brayton»ga (3:0, o'yin davom etmoqda) qarshi bahsning 33-daqiqasida Patrik Dorguning goliga assistentlik qildi, ikkinchi bo'limda esa o'zi ham to'p kiritdi.

Natijada portugaliyalik futbolchi mavsumdagi assistlarini 21 taga yetkazib, Terri Anri va Kevin de Bruyneni (20 tadan) ortda qoldirgan holda APL rekordini yangiladi.

Shuningdek, Fernandesh top-5 liga rekordini ham takrorladi. Lionel Messi La Ligada, Tomas Myuller Bundesligada 21 ta assistni o'z hisobiga yozdirib qo'ygan.