«Manchester Yunayted» qishki transfer oynasida yana bir markaziy yarimhimoyachini o‘z safiga qo‘shib olishni rejalashtirmoqda. Bu haqda Daily Express xabar berdi. Mazkur xabar Sky Sports tomonidan ham keltirilgan.
«Qizil iblislar» yanvar oyida Dortmundning «Borussiya» klubi yarimhimoyachisi Feliks Nmechani transfer qilishga tayyorgarlik ko‘rmoqda. Angliya klubi futbolchi bo‘yicha dortmundliklar bilan dastlabki muzokaralarni boshlab yuborgan.
Nmechaga «Manchester Siti» va «Nyukasl» ham qiziqish bildirmoqda. «Borussiya» futbolchi uchun 100 million yevro talab qilishi aytilmoqda.
Avvalroq Baleba «Manchester Yunayted» futbolchisi sifatida tanishtirilgandi.
