«Manchester Yunayted» safarda Premer liga 3-turi doirasida «Everton» bilan bahs olib bordi (2:2).
Livrepulliklar ikki bor hisobda ortda qolayotganiga qaramay, so‘nggi daqiqalarda durangga erishdi. Brayan Mbeumo va Benyamin Sheshkoning gollariga mezbonlar 83-daqiqada Tayrik Jorj va 90+6-daqiada Eynsli Meytlend-Naylzning aniq zarbalari bilan javob berdi.
«O‘ylashimcha, «Manchester Yunayted» safarda yaxshi harakat qildi, o‘yinni nazorat qildi. Yarimhimoyachilar uchligi o‘zini chinakamiga yaxshi tomondan ko‘rsata oldi. O‘yinning borishini inobatga olsak, bunday durang – jamoaning hafsalasini pir qilgani aniq», – deya Ueyn Runi so‘zlaridan iqtibos keltirdi centredevils.
Ma’lumot uchun, Runi futbolchilik davrida har ikki klub safida to‘p tepgan.
Eslatib o‘tamiz, «qizil iblislar» 3 ta turda 4 ochko jamg‘argan bo‘lsa, «Everton» hisobida 5 ochko mavjud.
