"Chelsi" bosh murabbiy Liam Roseniorni ishdan oldi. Bu haqda klub rasmiy sayti xabar berdi.
Angliyalik murabbiy yanvar oyida jamoa ustoziga aylangandi. O'shanda "ko'klar" Enso Mareskani vazifasidan ozod etgandi.
Roseniorning klub bilan amaldagi bitimi 2032 yilning yoziga qadar amal qilardi. Biroq qoniqarsiz natijalar fonida klub rahbariyati mutaxassis bilan xayrlashishga qaror qildi.
Eslatib o'tamiz, "Chelsi" Angliya Premer-ligasi turnir jadvalida 48 ochko bilan 7-o'rinda bormoqda. Klub APLning so'nggi 5 ta o'yinida birorta gol ura olmadi va mag'lubiyatga uchradi.
