«Manchester Yunayted» Angliya Premyer-ligasining 9-turida safarda «Chelsi»ga 0:2 hisobida imkoniyatni boy berdi. Ushbu mag‘lubiyat mankunianliklar uchun yana bir noxush statistik natija bilan qayd etildi.
Sky Sport News ma’lumotiga ko‘ra, «qizil iblislar» 1973-yildan buyon ilk bor chempionatning dastlabki yettita safar bahsida birorta ham g‘alabaga erisha olmadi. Jamoa ushbu o‘yinlarda uch marta durang qayd etib, to‘rt bor mag‘lubiyatga uchradi.
1973/74-yilgi mavsumda ham «Manchester Yunayted» dastlabki yettita safar bahsida g‘alaba qozona olmagan edi. O‘sha mavsum yakunida mankunianliklar turnir jadvalida 21-o‘rinni egallab, yuqori divizionni tark etgan.
Ma’lumot uchun, «Manchester Yunayted» ushbu mavsumda safarda o‘tkazgan yettita bahsning uchtasida durang o‘ynagan, to‘rttasida esa mag‘lubiyatga uchragan.
Eslatib o‘tamiz, manbada keltirilishicha, «Chelsi»ga qarshi mag‘lubiyatdan keyin «Manchester Yunayted» APL turnir jadvalida 18-o‘rinni egallab turibdi.
