Osiyo Chempionlar ligasi elitasi 4-turida Toshkentning «Paxtakor» jamoasi «An Nasr» bilan bahslashib, yirik hisobda mag‘lub bo‘ldi. Bellashuvdan so‘ng «sherlar» yarim himoyachisi Sardor Sobirxo‘jayev o‘z fikrlarini bildirdi.
«Birinchi navbatda stadionga kelgan muxlislardan uzr so‘raymiz. Natija biroz uyatli bo‘ldi. O‘yin oldidan ham raqibning imkoniyatlarini bilardik. Ular buni amalda ham ko‘rsatishdi.
- Avvalgi o‘yinda «Al Ahli»dek jamoa bilan durang o‘ynagandingizlar. Ammo «An Nasr»ga yirik hisobda mag‘lub bo‘ldingizlar...
- Bu o‘yinga qadar «Al Ahli» va «Al Qodisiya»ga qarshi o‘ynagandik. Ammo bugungi raqibimiz Saudiya Arabistonining avvalgi jamoalaridan ikki karra kuchli. «Al Hilol» haqida hech narsa deya olmayman. Lekin «An Nasr» yuqorida tilga olingan jamoalardan ancha kuchli», - dedi Sobirxo‘jayev.
Muxlislar bu yangilikni Telegram’da muhokama qilmoqda
Izohlar Telegram’da ochiladi