«Chelsi» bosh murabbiyi Xabi Alonso yarimhimoyachi Enso Fernandesning navbatdagi uchrashuvda ishtirok etishi haqida fikr bildirdi. So‘nggi kunlarda «Manchester Siti» futbolchini transfer qilishga faol urinmoqda.
Shunga qaramay, Fernandes Liga kubogida «Luton»ga qarshi bahsda maydonga tushishi mumkin.
«Ha, uning ishtirok etishini kutmoqdamiz. U mashg‘ulotlarda qatnashdi, juda yaxshi ishlamoqda. U professional va o‘yinga jalb etiladi», — dedi Alonso.
Murabbiydan Fernandesni jamoada saqlab qolishni istash-istamasligi ham so‘raldi.
«Biz imkon qadar kuchli tarkibga ega bo‘lishni xohlaymiz. Uning sifatlarini bilamiz. U buni allaqachon namoyish etdi. Hozir ertangi o‘yinga e’tibor qaratamiz va voqealar qanday rivojlanishini ko‘ramiz», — dedi mutaxassis.
Ma’lumot uchun, «Chelsi» Fernandes ketgan taqdirda uning o‘rniga «Bornmut» yarimhimoyachisi Aleks Skottni yana bir bor ko‘rib chiqishi mumkin.
