Yevropa ligalari assotsiatsiyasi prezidenti Klaudius Shefer Janni Infantinoning FIFA prezidenti lavozimidagi kelajagi borasida keskin fikr bildirdi.
«Eng muhim qarorlar ulardan bevosita ta’sirlanadigan tomonlar bilan to‘liq muhokama qilinmasdan qabul qilinmoqda», — dedi Shefer The Athletic nashriga bergan intervyusida.
U 2026-yilgi Jahon chempionatida Folarin Balogunning diskvalifikatsiyasi bekor qilinganiga ham to‘xtaldi. Qaror Donald Trampning Infantino bilan telefon orqali muloqotidan so‘ng qabul qilingani ta’kidlangan.
«Bu haqiqiy mojaro edi. Sport masalasiga bunday siyosiy aralashuvni eslay olmayman. Bunday harakatlar o‘yinning halolligiga shubha tug‘diradi. Shu sababli Infantinoning FIFAda kelajagi yo‘q, deb aytmoqdaman», — dedi Shefer.
Uning so‘zlariga ko‘ra, Infantinoga bosim kuchaymoqda. Shefer UEFA, OFK va KONKAKAFdan iborat uchta konfederatsiya uning FIFA prezidenti sifatidagi faoliyatini davom ettirishiga qarshi ekanini qayd etdi.
Aytilishicha, Yevropa ligalari assotsiatsiyasi faqat prezidentni almashtirish emas, balki FIFA boshqaruv tizimini isloh qilish tarafdori.
