Европа лигалари ассоциацияси президенти Клаудиус Шефер Жанни Инфантинонинг ФИФА президенти лавозимидаги келажаги борасида кескин фикр билдирди.
«Энг муҳим қарорлар улардан бевосита таъсирланадиган томонлар билан тўлиқ муҳокама қилинмасдан қабул қилинмоқда», — деди Шефер Тhe Athletic нашрига берган интервюсида.
У 2026 йилги Жаҳон чемпионатида Фоларин Балогуннинг дисквалификацияси бекор қилинганига ҳам тўхталди. Қарор Доналд Трампнинг Инфантино билан телефон орқали мулоқотидан сўнг қабул қилингани таъкидланган.
«Бу ҳақиқий можаро эди. Спорт масаласига бундай сиёсий аралашувни эслай олмайман. Бундай ҳаракатлар ўйиннинг ҳалоллигига шубҳа туғдиради. Шу сабабли Инфантинонинг ФИФАда келажаги йўқ, деб айтмоқдаман», — деди Шефер.
Унинг сўзларига кўра, Инфантинога босим кучаймоқда. Шефер УEФА, ОФК ва КОНКАКАФдан иборат учта конфедерация унинг ФИФА президенти сифатидаги фаолиятини давом эттиришига қарши эканини қайд этди.
Айтилишича, Европа лигалари ассоциацияси фақат президентни алмаштириш эмас, балки ФИФА бошқарув тизимини ислоҳ қилиш тарафдори.
