«Челси» бош мураббийи Хаби Алонсо яримҳимоячи Энцо Фернандеснинг навбатдаги учрашувда иштирок этиши ҳақида фикр билдирди. Сўнгги кунларда «Манчестер Сити» футболчини трансфер қилишга фаол уринмоқда.
Шунга қарамай, Фернандес Лига кубогида «Лутон»га қарши баҳсда майдонга тушиши мумкин.
«Ҳа, унинг иштирок этишини кутмоқдамиз. У машғулотларда қатнашди, жуда яхши ишламоқда. У профессионал ва ўйинга жалб этилади», — деди Алонсо.
Мураббийдан Фернандесни жамоада сақлаб қолишни исташ-истамаслиги ҳам сўралди.
«Биз имкон қадар кучли таркибга эга бўлишни хоҳлаймиз. Унинг сифатларини биламиз. У буни аллақачон намойиш этди. Ҳозир эртанги ўйинга эътибор қаратамиз ва воқеалар қандай ривожланишини кўрамиз», — деди мутахассис.
Маълумот учун, «Челси» Фернандес кетган тақдирда унинг ўрнига «Борнмут» яримҳимоячиси Алекс Скоттни яна бир бор кўриб чиқиши мумкин.
