«Ювентус» ва «Бешиктош» яримҳимоячи Фабио Миретти трансфери бўйича музокараларнинг якуний босқичида. Бу ҳақда Gazetta dello Sport хабар берди.
Туркия клуби 23 ёшли италиялик футболчи билан шахсий шартларни келишиб олди ва яқин соатларда Турин клубига якуний таклиф юборишга тайёрланмоқда.
Гап Миреттини сотиб олиш ҳуқуқи билан ижарага бериш ҳақида кетмоқда. Муайян шартлар бажарилса, ушбу банд мажбурий харидга айланиши мумкин. Томонларга келишувнинг сўнгги молиявий тафсилотларини ҳал қилиш қолган.
«Ювентус» Миретти учун маош ва амортизация харажатларини ўз зиммасидан чиқаришни истамоқда. Тежалган маблағлар кейинги трансферларга, хусусан, Франк Кессиени сотиб олишга йўналтирилиши мумкин.
Маълумот учун, Миретти ўтган мавсумда 31 та учрашувда майдонга тушиб, 1 та гол ва 3 та голли узатмага муаллифлик қилган. Тransfermarkt футболчининг бозор қийматини 15 миллион еврога баҳоламоқда.
