«Ливерпул» сардори Виржил ван Дейк Англия Премер-лигаси 8-тури доирасида «Брайтон» устидан қозонилган ғалаба (2:0) ҳақида ўз фикрларини билдирди.
Ушбу баҳсда Александр Исак ва Флориан Виртц голларга муаллифлик қилди.
«Бугун мураббий бизга бироз тўғридан тўғри, соддароқ ўйнашни кўрсатма қилди. Балки бу энг чиройли футбол эмасдир, аммо менимча, бундай рақибга қарши самарали усул ҳисобланади. Айнан шуни намойиш этдик, айниқса, дастлабки 30 дақиқада. Асосий мақсад шу йўл билан «Брайтон»нинг прессингидан қочиш эди», — дея ван Дейкнинг сўзларини келтирмоқда Anfield Sector.
Ғалабадан сўнг «Ливерпул» Англия Премер-лигаси турнир жадвалида 15 очко билан тўртинчи ўринни эгаллаб турибди. «Брайтон» эса 16 очко билан учинчи поғонада бормоқда.
