Таниқли инсайдер Фабрицио Романо 2025 йил январ ойида грузиялик вингер Хвича Кварацхелия «Ливерпул» футболчисига айланиши мумкин бўлганини эсга олди. Натижада қанот ҳужумчиси «Наполи»дан «Пари Сен-Жермен»га ўтди. Манбага кўра, ўша пайтда футболчига Лондоннинг «Челси» клуби ҳам қизиқиш билдирган, бироқ Кварацхелия парижликларнинг таклифини қабул қилишни маъқул кўрган.
Маълумот учун, грузиялик футболчи Франция пойтахти клуби таркибида икки йилдан камроқ вақт ичида тўққизта совринни қўлга киритди. Жумладан, Хвича икки карра УЕФА Чемпионлар Лигаси бош совринини, икки карра Франция чемпионлиги, УЕФА Суперкубоги ва Қитъалараро кубоги соҳибига айланди.
