«Барселона» ҳужумчиси Карим Адейеми каталонияликлар сафида аввал тўп сурган футболчилар орасидан кимни ўзига кумир деб билишини айтди. Шунингдек, у «Spotify Камп Ноу» стадиони ҳақида ҳам фикр билдирди.
«Месси ҳар доим дунёнинг энг яхши футболчиси бўлган. Унинг ушбу клубда ўйнашини кузатиш ақл бовар қилмас даражада ажойиб эди. Мессидан ташқари, майдонда кимлар билан бирга ўйнашни истардим? Андрес Инеста, Неймар ва Роналдинио.
Стадионимиз ақл бовар қилмас даражада ажойиб. Реконструкция ишлари ҳали якунланмаган, аммо у ҳозирданоқ ҳайратланарли кўринишга эга. Майдонга чиқиб, клуб мадҳияси янграй бошлаганида, бу инсонга ўзгача ҳаяжон бағишлайди», — дея Адейемининг сўзларини клуб расмий сайти келтирмоқда.
Маълумот учун, «Spotify Камп Ноу» стадионида реконструкция ишлари босқичма-босқич амалга оширилмоқда.
Эслатиб ўтамиз, Лионел Месси «Барселона» сафида 2004–2021 йилларда тўп тепган ва клуб тарихидаги энг сермаҳсул футболчига айланган.
