«ПСЖ» ва Португалия миллий жамоаси яримҳимоячиси Витиня «Барселона» клуби эътиборини тортди. Бу ҳақда журналист Экрем Конур ижтимоий тармоқларда маълум қилди.
Манбага кўра, каталонияликлар португалиялик 26 ёшли футболчининг ўйин савияси ва майдондаги ҳаракатларини юқори баҳоламоқда. Бироқ ҳозирча трансфер борасида аниқ музокаралар олиб борилмаган.
«ПСЖ» эса ўзининг етакчи футболчиси билан хайрлашиш ниятида эмас. Витинянинг Париж клуби билан амалдаги шартномаси 2029 йилгача мўлжалланган.
Футболчининг ўзи ҳам жамоада ўзини қулай ҳис қилмоқда ва «ПСЖ» билан яна янги совринларни қўлга киритишга интилмоқда. Transfermarkt портали унинг бозор қийматини 140 миллион еврога баҳоламоқда.
Аввалроқ «Реал» ҳам Витиня хизматига жиддий қизиқиш билдираётгани ҳақида хабарлар тарқалганди.
