«PSJ» va Portugaliya milliy jamoasi yarim himoyachisi Vitinya «Barselona» klubi e’tiborini tortdi. Bu haqda jurnalist Ekrem Konur ijtimoiy tarmoqlarda ma’lum qildi.
Manbaga ko‘ra, kataloniyaliklar portugaliyalik 26 yoshli futbolchining o‘yin saviyasi va maydondagi harakatlarini yuqori baholamoqda. Biroq hozircha transfer borasida aniq muzokaralar olib borilmagan.
«PSJ» esa o‘zining yetakchi futbolchisi bilan xayrlashish niyatida emas. Vitinyaning Parij klubi bilan amaldagi shartnomasi 2029 yilgacha mo‘ljallangan.
Futbolchining o‘zi ham jamoada o‘zini qulay his qilmoqda va «PSJ» bilan yana yangi sovrinlarni qo‘lga kiritishga intilmoqda. Transfermarkt portali uning bozor qiymatini 140 million yevroga baholamoqda.
Avvalroq «Real» ham Vitinya xizmatiga jiddiy qiziqish bildirayotgani haqida xabarlar tarqalgandi.
