«Barselona» hujumchisi Karim Adeyemi kataloniyaliklar safida avval to‘p surgan futbolchilar orasidan kimni o‘ziga kumir deb bilishini aytdi. Shuningdek, u «Spotify Kamp Nou» stadioni haqida ham fikr bildirdi.
«Messi har doim dunyoning eng yaxshi futbolchisi bo‘lgan. Uning ushbu klubda o‘ynashini kuzatish aql bovar qilmas darajada ajoyib edi. Messidan tashqari, maydonda kimlar bilan birga o‘ynashni istardim? Andres Inyesta, Neymar va Ronaldinio.
Stadionimiz aql bovar qilmas darajada ajoyib. Rekonstruksiya ishlari hali yakunlanmagan, ammo u hozirdanoq hayratlanarli ko‘rinishga ega. Maydonga chiqib, klub madhiyasi yangray boshlaganida, bu insonga o‘zgacha hayajon bag‘ishlaydi», — deya Adeyemining so‘zlarini klub rasmiy sayti keltirmoqda.
Ma’lumot uchun, «Spotify Kamp Nou» stadionida rekonstruksiya ishlari bosqichma-bosqich amalga oshirilmoqda.
Eslatib o‘tamiz, Lionel Messi «Barselona» safida 2004–2021-yillarda to‘p tepgan va klub tarixidagi eng sermahsul futbolchiga aylangan.
