Мадриднинг «Реал» клуби собиқ яримҳимоячиси Стив Макманаман «Олтин тўп» совринига нима учун «қаймоқранглилар» форварди Килиан Мбаппе «Барселона» вингери Ламин Ямалдан кўра, ҳақлироқ эканлигини айтиб ўтди.
«Мен Килиан Мбаппени танлаган бўлардим. У вазиятни ўзгартириб юбора оладиган ва энг муҳим ўйинларда гол уришни уддалайдиган футболчи. У босимни енгиб ўтиш учун етарлича тажрибага эга.
Ламин Ямал — жуда иқтидорли футболчи ва ёш бўлишига қарамай, ажойиб натижалар кўрсатди. Аммо мен ҳозир улардан бирини танлашимга тўғри келса, мен сорвинни Мбаппега берган бўлардим», — дея Макманаман сўзларидан иқтибос келтиради Sport.es.
Эслатиб ўтамиз, «Олтин тўп» — 2026 совринини топшириш маросими душанба, 26 октябр куни Лондонда бўлиб ўтади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади