Англия Премер-лигаси саккизинчи турида «Манчестер Сити» сафарда Бирмингҳемнинг «Астон Вилла» жамоасига 1:2 ҳисобида имкониятни бой бериб қўйди.
Шундай қилиб, «шаҳарликлар»нинг ғалабали серияси 7 та ўйинда тўхтаб қолди - бу эса, ўз навбатида, Жозе Моуринионинг рекорди ҳамон янгиланмай қолишини билдиради. 2005/2006-йилги мавсумда мутахассис Лондоннинг «Челси» клуби билан чемпионат стартида кетма-кет 9 та ғалабани нишонлаган ва бу ҳалигача Англия премер-лигасидаги энг яхши старт сифатида сақланиб келмоқда.
Эслатиб ўтамиз, Моуринио бугунги кунда Испанияда фаолиятини давом эттирмоқда. Унинг бошчилигидаги Мадриднинг «Реал» жамоаси бугун тунда Каталониянинг «Барселона» клубига қарши майдонга тушади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади