Англиянинг «Ливерпул» клуби бош мураббийи Андони Ираола марказий яримҳимоячи Райан Гравенберхнинг жамоадаги роли ҳақида гапириб ўтди.
Испаниялик мутахассис Нидерландия миллий жамоаси аъзоси бир вақтнинг ўзида бир неча позицияда фойдали ҳаракат қила олишини таъкидлади.
«У мен учун жуда қадрли. Футболчиларнинг бундай универсаллиги жуда қадрланади, чунки бизнинг тиғиз тақвимимизда доим ёрдам керак бўлади. Ҳозир у ўнг қанот ҳимоячиси ролида ҳаракат қилмоқда. Уч ойдан кейин у буткул бошқа позицияда ўйнаши мумкин ва Райан сингари, уч ёки тўрт хил позицияларда ўйнай оладиган футболчилар, менга жуда ҳам катта ёрдам беради», - деди Ираола.
Маълумот учун, Гравенберх 2023 йилдан буён мерсисайдликлар шарафини ҳимоя қилиб келади. Инглиз клуби таркибида 24 ёшли яримҳимоячи барча мусобақаларни инобатга олганда 147 та ўйинда майдонга тушиб, 10 та гол урди ва 13 та голли узатма етказиб берди.
