«Ливерпул» яримҳимоячиси Алексис Макаллистер шартномаси билан боғлиқ вазият ҳақида фикр билдирди.
«Бу ҳақда аввал гапирганимда, кўпроқ ҳис-туйғуларимга таянган эдим. Бу уларнинг қарори ва мен бунга мутлақо розиман. Ўйинларда ҳам, машғулотларда ҳам бор кучим билан ҳаракат қилишда давом этаман», — дея Макаллистернинг сўзларидан келтиради инсайдер Фабрицио Романо.
Эслатиб ўтамиз, аргентиналик 27 ёшли футболчининг мерсисайдликлар билан амалдаги шартномаси 2028 йилнинг ёзигача мўлжалланган. Бироқ клуб Алексис билан келишув муддатини узайтирмагани ҳақида хабарлар тарқалганди.
Футболчи атрофидаги вазиятни эса «Реал» ва «Манчестер Сити» жамоалари диққат билан кузатиб бормоқда.
