«Liverpul» yarim himoyachisi Aleksis Makallister shartnomasi bilan bog‘liq vaziyat haqida fikr bildirdi.
«Bu haqda avval gapirganimda, ko‘proq his-tuyg‘ularimga tayangan edim. Bu ularning qarori va men bunga mutlaqo roziman. O‘yinlarda ham, mashg‘ulotlarda ham bor kuchim bilan harakat qilishda davom etaman», — deya Makallisterning so‘zlaridan keltiradi insayder Fabrizio Romano.
Eslatib o‘tamiz, argentinalik 27 yoshli futbolchining mersisaydliklar bilan amaldagi shartnomasi 2028-yil yozigacha mo‘ljallangan. Biroq klub Aleksis bilan kelishuv muddatini uzaytirmagani haqida xabarlar tarqalgandi.
Futbolchi atrofidagi vaziyatni esa «Real» va «Manchester Siti» jamoalari diqqat bilan kuzatib bormoqda.
