А Серия. «Комо» Дувикаснинг дубли эвазига ғалаба қозонди

Италия чемпионатининг 8-турида «Комо» ўз майдонида «Сассуоло»ни 2:0 ҳисобида мағлуб этди.

Биринчи бўлимда ҳисоб очилмади. Танаффусдан сўнг, 49-дақиқада Анастасиос Дувикас мезбонларни олдинга олиб чиқди. 60-дақиқада эса грециялик ҳужумчи дубл қайд этиб, жамоасининг ғалабасини таъминлади.

А Серия. 8-тур
Комо — Сассуоло 2:0
Голлар: Дувикас 49, 60.

Комо: Бутес, Камбвала (Рамон, 46), Коуто (Смолчич, 67), Кемпф, Кайки, Риччи (Аддай, 46), Батурина (Миля, 46), Да Куня (Лаҳдо, 89), Перроне, Какере, Дувикас.

Сассуоло: Турати, Обрадор (Доиг, 62), Ван дер Бремпт, Чалета-Тсар, Канде, Домингес (Липани, 62), Матич (Лориенте, 62), Берарди (Волпато, 74), Аджич (Эспосито, 86), Бакола, Боуи.