Ҳуқуқлари «Комо»га тегишли бўлган аргентиналик яримҳимоячи Нико Пас Англия чемпионатига йўл олиши мумкин.
Ижтимоий тармоқларда инсайдер Экрем Конурнинг хабар беришича, «Манчестер Юнайтед» футболчининг ўйинларини диққат билан кузатиб бормоқда. «Қизил иблислар» 22 ёшли яримҳимоячини Бруно Фернандешнинг узоқ муддатли вориси сифатида кўриб чиқмоқда.
Пасга қизиқиш билдирган клублар орасида Мадриднинг «Реал», Лондоннинг «Арсенал» ва «Челси» клублари ҳам бор.
Аргентиналикнинг «Комо» билан шартномаси 2028 йилнинг июн ойи охиригача мўлжалланган. Яримҳимоячининг бозор қиймати 80 миллион еврога баҳоланмоқда.
