«Тоттенҳэм» Сандро Тонали трансферини эълон қилди

«Тоттенҳэм» «Нюкасл»дан Сандро Тоналини ўз сафига қўшиб олди.

26 ёшли яримҳимоячи лондонликлар билан 2031 йил ёзигача мўлжалланган шартнома имзолади ва клуб тарихидаги энг қиммат трансферга айланди. У «тақачилар»га 92,5 миллион фунтга тушди. Агар жамоа бир неча бор ЕЧЛга чиқса, яна 7,5 млн фунт бонуслар қўшилади.

Тоналигача «Тоттенҳэм»нинг трансфер рекорди шу йил «Вест Ҳэм»дан сотиб олинган яримҳимоячи Матеуш Фернандеш эди — 85 миллион фунт.

Маълумот учун, италиялик футболчи ўтган мавсумда АПЛда 35 та баҳсда майдонга тушиб, 2 та голга ассистентлик қилган.