«FIFA, қаерга қараб кетяпсан?» — Блаттер Балогун иши ҳақида

FIFA'нинг собиқ президенти Йозеф Блаттер Фоларин Балогуннинг дисквалификацияси кечиктирилганига муносабат билдирди.

АҚШ миллий жамоаси ҳужумчисига Жаҳон чемпионати-2026нинг 1/8 финал босқичида Белгияга қарши баҳсда майдонга тушишга рухсат берилди. У 1/16 финалдан ўрин олган Босния ва Ҳерцеговинага (2:0) қарши беллашувда Тарик Муҳаремовичнинг тўпиғига тепгани учун қизил карточка олиб, майдондан четлатилганди.

Балогунга берилган бир ўйинлик дисквалификация FIFA томонидан бир йиллик синов муддати билан тўхтатиб турилди.

Шунингдек, АҚШ президенти Доналд Трамп футболчининг дисквалификацияси бўйича қарорни қайта кўриб чиқишни сўраб, FIFA президенти Жанни Инфантинога қўнғироқ қилгани маълум бўлди.

«Қизил карточкалар сиёсий қўнғироқлар билан бекор қилинмайди. Улар қоидалар, далиллар ва мустақил органлар қарори асосида бекор қилинади.

Агар АҚШ президенти FIFA президентининг ишларига аралашса ва плей-офф ўйини арафасида футболчининг дисквалификацияси тўсатдан бекор қилинса, табиий савол туғилади: «FIFA, сен қаёққа қараб кетяпсан?»

Футбол ҳеч қачон сиёсий ўйинлар майдонига айланмаслиги керак», — деб ёзди Йозеф Блаттер ижтимоий тармоқда.