Эслатиб ўтамиз, жаҳон чемпионати плей-офф босқичи доирасидаги Франция - Парагвай баҳсида ўзбекистонлик рефери Илгиз Танташев бош ҳакам сифатида фаолият олиб борган эди.
Франция миллий жамоаси яримҳимоячиси Райан Шерки ЖЧ-2026 1/8 финал босқичида Парагвай билан бўлиб ўтган ўйиндаги ҳакамлик ҳақида кескин фикр билдирди (0:1). Танташев мазкур учрашувда «уч ранглилар» футболчиларига 3 та сариқ карточка кўрсатди ва Лотин Америкаси вакили футболчиларига бирорта ҳам карточка кўрсатмади.
– Ҳакамлик ҳақида қайндай фикрдасиз?
– Бу борада гапим йўқ, ўзингиз кўрдингиз... Фоллар нечта бўлди? 30-40 та? Сариқ карточкалар нечта кўрсатилди? Бунинг аҳамияти йўқ. Асосийси — биз чорак финалда, — дея Шеркининг сўзларидан иқтибос келтиради L’Equipe.
Маълумот учун, жаҳон чемпионатининг 1/4 финал босқичида Франция миллий жамоаси Марокаш билан рўбарў келади. Ўйин 9 июлдан 10 июлга ўтар кечаси бўлиб ўтади ва «Жиллетт» стадионида (Фоксборо, АҚШ) ўтказилади.
