UEFA ва бошқа конфедерациялар Инфантинони FIFA президенти лавозимидан четлатмоқчи

UEFA'нинг баъзи раҳбарлари Жанни Инфантинони 2027 йил март ойида бўлиб ўтадиган сайловларда FIFA президенти лавозимидан четлатишни хоҳламоқда. Бу ҳақда журналист Ромен Молина хабар берди.

Манбага кўра, бошқа конфедерациялар ҳам Фоларин Балогун Босния ва Ҳерцеговинага (2:0) қарши ЖЧ-2026 1/16 финал ўйинида қизил карточка олганидан кейин унинг дисквалификацияси тўхтатилиши ортидан бу ғояни муҳокама қила бошлаган.

Маълум қилинишича, Оқ уй Инфантино билан тўғридан тўғри боғланиб, қарорга таъсир ўтказишни сўраган.

«UEFA'нинг бир неча раҳбарлари анча вақтдан буён Инфантинога рақиб бўла оладиган номзодни илгари суриш бўйича саҳна ортида иш олиб бормоқда.

Инфантино Трампни рози қилишга қарор қилганидан кейин жаҳон футболидаги бошқа раҳбарлар – нафақат Европадагилар – «бундай давом этиб бўлмайди» деган фикр билан муқобил вариант излаш ғоясини муҳокама қила бошлади», — дейилади хабарда.

Инфантино 2016 йилдан бери FIFA'га раҳбарлик қилиб келади. У кейинчалик 2019 ва 2023 йилларда ҳам ушбу лавозимга қайта сайланган.