«МЮ» афсонаси Руни АПЛ 1-турида «Манчестер Юнайтед»нинг сафарда «Ҳалл Сити»га 0:2 ҳисобида мағлуб бўлганидан сўнг ҳимоячи Люк Шоунинг ҳаракатларига алоҳида тўхталди.
«Бу Люк Шоу томонидан ҳимоядаги болаларча хато бўлди. «Ҳалл» бундай вазиятни кутган бўлса керак. Шоу ҳимоя чизиғидан тахминан 4 метр ортга чекинди. Бундай аниқ узатмадан кейин ҳужумни тўхтатишнинг иложи йўқ», — деди Руни BBC эфирида.
Собиқ ҳужумчи «Манчестер Юнайтед» футболчиларининг прессингдаги фаоллигини ҳам паст баҳолади.
«Жамоага прессинг қилишда ва тўпни қайтариб олишга уринишларда анча кўпроқ энергия керак. Улар жуда пассив ҳаракат қилишди», — дея таъкидлади Руни.
Шунингдек, у жамоа сардори Бруну Фернандешнинг мағлубиятдан кейинги фикрларини ҳам «ғалати» деб атади.
«Брунонинг «Манчестер Юнайтед» сафарда бир хил хатоларни такрорлаётгани ҳақидаги гапи ғалати. Ҳозир клуб ўтган мавсумда эришган натижаларини ривожлантириши керак. Майкл Каррик келганидан кейин жамоа АПЛда учинчи ўринни эгаллади ва Чемпионлар лигасига йўлланма олди», — деди Руни.
Эслатиб ўтамиз, «Манчестер Юнайтед» АПЛнинг 2-турида 30 август куни «Ипсвич»га қарши майдонга тушади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади