Германия миллий жамоаси бош мураббийи Юлиан Нагелсманн ЖЧ-2026 1/16 финалида Парагвайга мағлуб бўлиб, турнирни тарк этганидан сўнг жамоанинг натижаларига баҳо берди.
«1/16 финалда мусобақани тарк этиш биз учун мутлақо қабул қилиб бўлмайдиган натижа. Германия кетма-кет учинчи Жаҳон чемпионатида турнирни эрта тарк этмоқда. Шундай натижалардан кейин энди бизни биринчи даражали жамоа деб бўлмайди. Барчамиз жуда хафамиз», — деди Нагелсманн ESPN нашрига.
Эслатиб ўтамиз, Германия ва Парагвай ўртасидаги 1/16 финал баҳсининг асосий ва қўшимча бўлимлари 1:1 ҳисобида якунланди. Пеналтилар сериясида эса Парагвай 4:3 ҳисобида устун келиб, чоракфинал йўлланмасини қўлга киритди.
