«Барселона» президенти Жоан Лапорта 64 ёшни қаршилаган кунида Каталония клубига ўтишни хоҳлаган ўйинчилар ҳақидаги саволга жавоб берди.
«Маълумки, орзулар улар учун ҳаракат қилиб, курашса рўёбга чиқади. Умид қиламанки, «Барселона»га келиши керак бўлган ўша футболчиларнинг орзуларини амалга оширамиз».
Шунингдек, Лапорта 1 июлда расман бошланадиган янги президентлик муддати ҳақида ҳам ўз фикрларини билдирди.
«Биз «Барселона»нинг институт сифатидаги мавқеини мустаҳкамлашда давом этамиз. Янгидан яратилган стадион ва муваффақиятли йўлда ҳаракатланувчи спорт лойиҳамиз бўлади», — дея функционернинг сўзларидан иқтибос келтирди El Chiringuito.
Маълумот учун, Жоан Лапорта жорий йилнинг 15 март куни «кўк-анорранглилар» президенти лавозимига қайта сайланганди. У аввал бу лавозимда 2003 – 2010 ва 2021 – 2026 йилларда фаолият юритган.
