«Барселона» дарвозабони Жоан Гарсия «Атлетико» ҳужумчиси Хулиан Алвареснинг эҳтимолий трансфери ҳақида гапирди.
«Хулиан бизнинг жамоамизни сифат жиҳатидан сезиларли даражада кучайтирарди. Таркибда қанчалик кўп юқори савияли футболчилар бўлса, жамоа шунчалик кучли бўлади.
Албатта, ҳамма Хулианнинг қандай футболчи эканини билади. Аммо у ҳозир «Атлетико» футболчиси. Биз унинг ёки клубларнинг қарорларига таъсир қила олмаймиз. Матбуотда ёзилаётган хабарлар қанчалик ҳақиқат эканини ҳам ҳеч қачон билмайсиз. Шу сабабли бундай миш-мишларга ортиқча эътибор қаратмаймиз», — деди Гарсия RАC1 нашрига.
Эслатиб ўтамиз, аввалроқ Хулиан Алварес «Атлетико»ни тарк этишни истаётганини очиқ айтганди. 26 ёшли аргентиналикнинг Мадрид клуби билан амалдаги шартномаси 2029 йилгача мўлжалланган.
Ҳозирда Алварес Аргентина билан ЖЧ-2026да иштирок этмоқда ва 1/16 финалда Кабо-Вердега қарши учрашувга тайёргарлик кўрмоқда.
