«Интер» ҳимоячилар Франческо Ачерби, Стефан де Врей ва Маттео Дармиан жамоани тарк этганини расман эълон қилди.
Ҳар учала футболчи шартномаси якунига етгани сабаб эркин агент мақомида клуб билан хайрлашди.
Франческо Ачерби 2022 йилдан буён «Интер» сафида тўп суриб, жамоа билан икки марта А Серия, Италия Кубоги ва Италия Суперкубогида ғолиб чиққан.
Стефан де Врей 2018 йилдан, Маттео Дармиан эса 2021 йилдан бери миланликлар шарафини ҳимоя қилиб келаётганди. Ҳар икки футболчи ҳам «Интер» сафида уч мартадан А Серия, Италия Кубоги ва Италия Суперкубоги совринларини қўлга киритган.
Эслатиб ўтамиз, Милан клуби аввалроқ Ян Зоммер билан хайрлашганини эълон қилган эди.
