Арманистонлик тажрибали яримҳимоячи Генрих Мхитарян «Интер» билан ҳамкорлигини яна бир йилга узайтирди.
Инсайдер Николо Скира хабарига кўра, янги шартнома 2027 йилнинг ёзига қадар амал қилади. Унга кўра, Мхитарян йилига 2 миллион евро маош олади. Бундан ташқари, битимда бонус тўловлари ҳам кўзда тутилган.
Эслатиб ўтамиз, 37 ёшли футболчи 2022 йилнинг ёзидан буён «Интер» шарафини ҳимоя қилиб келмоқда.
Мхитарян 2025/26 йилги А Серия мавсумида 30 та учрашувда майдонга тушиб, 4 та гол урди ва 1 та голли узатмага муаллифлик қилди.
