Armanistonlik tajribali yarimhimoyachi Genrix Mxitaryan «Inter» bilan hamkorligini yana bir yilga uzaytirdi.
Insayder Nikolo Skira xabariga ko‘ra, yangi shartnoma 2027 yilning yoziga qadar amal qiladi. Unga ko‘ra, Mxitaryan yiliga 2 million yevro maosh oladi. Bundan tashqari, bitimda bonus to‘lovlari ham ko‘zda tutilgan.
Eslatib o‘tamiz, 37 yoshli futbolchi 2022 yilning yozidan buyon «Inter» sharafini himoya qilib kelmoqda.
Mxitaryan 2025/26 yilgi A Seriya mavsumida 30 ta uchrashuvda maydonga tushib, 4 ta gol urdi va 1 ta golli uzatmaga mualliflik qildi.
