Пеналтилар сериясида бир йўла 4 зарба ноаниқ бўлган ҳолат жаҳон чемпионатлари тарихида илк бор қайд этилди. Бу ҳақда Opta Joe хабар берди.
Ўйиннинг асосий вақти ва қўшимча бўлимлари 1:1 ҳисобидаги дуранг билан якунлангач, ғолиб номини футбол лотереясида аниқлашга тўғри келди. Серияда Нидерландия таркибида Жастин Клюйверт ва Квинтен Тимбер, Марокаш миллий жамоасида эса Нейл Йони Эл-Айнауи ва Ашраф Ҳакими мўлжалда адашди.
Натижада, марокашликлар 3:2 ҳисобида зафар қучди. Ҳал қилувчи зарбани Исмоил Сайбари голга айлантирди.
Эслатиб ўтамиз, 1/8 финалда марокашликлар мезбонлардан бири Канадага қарши майдонга тушади. Ўйин 4 июл куни Тошкент вақти билан 22:00да старт олади.
