40 ёшли Германия миллий жамоаси дарвозабони Мануэл Нойер 2026 йилги жаҳон чемпионатидан сенсацион тарзда чиқиб кетганидан кейин ўз фикрларини билдирди.
Юлиан Нагелсманн шогирдлари 1/16 финал босқичида Парагвайга қарши баҳсда пеналтилар сериясида мағлуб бўлиб, мусобақа билан хайрлашди.
«Барчамиз жуда хафамиз. Бугун ғалаба қозониш учун бизга ҳам куч, ҳам омад етишмади. Лекин энг асосий муаммо — биз жуда кам голли вазият яратдик.
Шунга қарамай, мени кўпроқ учрашувнинг ўзи ташвишга солмоқда. Биз бундай рақибни албатта мағлуб этишимиз керак эди», — деди Нойер.
