Нидерландия миллий жамоаси вингери Коди Гакпо 2026 йилги жаҳон чемпионати 1/16 финал босқичида Марокаш дарвозасини ишғол қилди. Бу гол унинг жаҳон чемпионатларидаги олтинчи голи бўлди.
Қайд этилишича, ушбу натижа орқали Гакпо жаҳон чемпионатларидаги голлари сони бўйича Деннис Бергкамп, Уэсли Снейдер, Ариен Роббен ва Робин ван Перси билан тенглашиб, 2-ўринга кўтарилди.
Бу кўрсаткич бўйича Нидерландия миллий жамоасининг энг яхши тўпурари Жонни Реп ҳисобланади. У жаҳон чемпионатларида жами 7 та гол урган.
Маълумот ўрнида, Роналд Куман шогирдлари 2026 йилги жаҳон чемпионати билан 1/16 финал босқичида хайрлашди. Нидерландия миллий жамоаси Марокашга қарши баҳсда пеналтилар сериясида мағлуб бўлди.
